Со ВИ резимирањето, корисниците добиваат краток и јасен преглед на споделениот линк – без разлика дали станува збор за долг текст, блог-пост или извештај. Функцијата вклучува и автоматски превод, што значи дека ако јазикот на Viber е поставен на македонски, а линкот е на англиски, резимето автоматски ќе се прикаже на македонски.
Новата функција е целосно бесплатна и достапна за сите корисници – во групи, заедници, канали и приватни разговори. ВИ ја обработува само содржината на линкот, а никогаш приватните пораки. Сите приватни преписки на Viber се заштитени со целосна end-to-end енкрипција.
Генерираниот резиме е видливо само за корисникот што го активира, и не се прикажува кај другите учесници во разговорот.
Ова претставува уште еден чекор во пошироката стратегија на Viber за примена на вештачка интелигенција. Минатата година компанијата го претстави ВИ резимето на разговори – краток преглед на непрочитаните пораки заснован на вештачка интелигенција, кој му помага на корисникот побрзо да се информира во подолги разговори. Се очекува Viber скоро да воведе и дополнителни ВИ-алатки со цел да го подобри корисничкото искуство, да заштеди време и да ја направи секојдневната комуникација уште попрактична.
Новата функција ќе биде достапна за сите корисници ширум светот во наредните денови. Со ова, Viber ја зајакнува и иницијативата на Rakuten Group „Triple 20“, чија цел е да ја зголеми ефикасноста, маркетинг-успешноста и оперативноста на бизнисите за 20% преку примена на вештачка интелигенција.
